Help Bonny raise money

非一「搬」冒險「家」

我同 Paul 由我哋廿幾歲拍緊拖嗰陣開始，已經好多時會對天主教徒可以做啲乜嘢有好多幻想。例如：

喺電視睇到「恩雨之聲」、「基督2000」，我哋就會幻想：「如果天主教都有呢啲電視節目就好啦！」
我哋行基督教書局嗰陣又會諗：「如果多倫多有天主教嘅中文書局就好啦！」
見到基督教有好多機構可以請人全職事奉，我哋又會諗：「如果天主教都有華人嘅平信徒機構，可以請到人全職做福傳工作就好啦！」
請注意，我哋係諗：「如果天主教有xxxx 就好」，唔係「如果我哋可以做呢啲xxxx 就好」！

天主真係好有趣, 可能佢見我哋有咁多呢啲「幻想」，就喺十八年前俾一個機會、一個邀請我哋，讓我哋有機會開始實現第一個夢想：「如果天主教都有中文電視節目就好！」 結果嗰個就係《生命恩泉》。 而佢唔只係一個電視節目，仲慢慢演變到連我哋其他嘅幻想都實現咗，例如：設立天主教嘅中文書舍、成為一個可以讓平信徒全職為主工作嘅機構。我哋冇諗過呢啲嘢會發生，亦唔係我哋計劃要做嘅事，但係天主不斷邀請《生命恩泉》邁進一啲全新嘅領域，我哋亦願意跟住佢行。

行到十八年後嘅今日，天主再俾前所未有咁大嘅挑戰我哋，亦係我哋有過嘅幻想：「如果天主教有地方，可以隨時歡迎人行入嚟，接觸天主教、傾吓偈、有好多房間可以搞唔同嘅講座、有 band 房俾年青人、有地方俾人做義工... 咁就好啦！」

呢個就係《生命恩泉》喺多倫多購置永久會址嘅夢想，詳情你可以喺 https://FLL.cc/newhome 度揾到。我哋嘅挑戰就係要喺兩個月內籌五百萬加元去令呢個夢想實現！所以我哋叫呢個 campaign 做 非一「搬」冒險「家」。感謝天主， 由七月中我哋公開呢個非一般嘅 project 開始，已經有一啲朋友回應我哋嘅呼籲，俾咗多啲信心我哋，相信呢件事係會成功嘅。我哋籌多大約280萬就可以達成目標啦！ 「在人所不能的，在天主是可能的。」(路18：27) 

如果你肯花時間睇到呢度，希望你都會願意參與呢個歷史性嘅 project, 讓《生命恩泉》有一個永久嘅家，去成就更多天主想我哋大家一齊實現嘅夢想！

恩保德神父講過：「一個人嘅夢，利瑪竇嘅夢，就只係一個人嘅夢。如果呢個夢成為千千萬萬人嘅夢，呢個就唔再係夢，係一個事實。」